СВЯТЫЕ ПЕРМСКОЙ ЗЕМЛИ

Собор Пермских святых.

В день празднования Собора  Пермских святых Русская Православная Церковь совершает память всех угодников Божиих в земле Пермской просиявших.

Празднование нового памятного дня переходящее -в первое воскресение после 11 февраля – дни памяти       святителей Герасима, Питирима Ионы,  епископов Великопермских.

В Соборе святых в земле Пермской просиявших 
имена 105 святых:
• Святитель Стефан, епископ Великопермский (ХIV век);
• Святители Герасим, Питирим и Иона, епископы Великопермские (ХV век);
• Святитель Антоний, архиепископ Вологодский и Великопермский (ХVI век);
• Святитель Маркелл, архиепископ
Вологодский и Великопермский (ХVII век);
• Преподобный Трифон Вятский, архимандрит (ХVI-ХVII века);
• 98 святых новомучеников XX века.

Тропарь, глас 5

Благоукрашается Церковь Русская, земля Пермская ликовствует в памяти преславного лика святых своих, словом и житием Богу угодивших, имже мы благодарственно взываем: О, древнии и новии подвижницы веры православныя, ови апостольския труды понесши, ови же кровьми мученическими веру утвердившии, велиции заступницы и хранителие, молите Христа Бога душам нашим в мире спастися.

Кондак, глас 5

Радуйся, Пермская земле, память святых твоих празднующи, Православия благовестников уделе светоприемный, святителей ниво плодоносная, в тебе Уральский Афон возсия, преподобных жилище, в тебе Голгофа вознесеся новых мученик, ихже мощей ради яко антиминс распростертый зришися, темже и мы заступником нашим взываем: о, святии избранницы Божии, веру, смирение и братолюбие в нас умножите, в покаянии и благочестии утвердите да спасение улучим и велию милость.

Величание

Величаем вас, вси святии земли Пермския, и чтим святую память вашу, страну нашу светом Евангельским озарившии и жизнь за веру во Христа положившии.

Молитва

О, святии сродницы наши, древнии и новии Пермския земли заступницы, первосвятителя Стефана наследницы, пламенней вере священномученика Андроника подражателие! Кто возможет достойно воспети подвиги ваша? Кто поведает миру вся яже за веру Христову претерпенная вами? Прославляюще память вашу и праздник ваш светло совершающе, благодарственное моление вам приносим. Величаем святители, яже страну нашу от мрака языческаго к свету евангельскому приведшия и тайну вечнаго спасения пермяном поведавшия. Воспеваем новыя мученики, яже кровьми своими холми, удолия и реки обагрившия и велие дерзновение ко Христу стяжавшия. Почитаем Царственныя страстотерпцы, яже со сродники и други поношение и смерть в пределех Пермских приявшия.
Восхваляем архипастыри со пастыри, яже чад церковных укрепившия за веру Православную непоколебимо стояти противу обновителей льстивых.
Ублажаем преподобныя, яже из келий монастырских на скитания и смерть изгнанныя и молитвою места страданий облагоухавшия. Воспоминаем и страдальцы, яже деннонощными мученьми в горьких работах и в темницех
изнуряемыя и терпением врага победившия.
О, велицыи святии Пермския земли! Приимите моление наша, в похвалу вам приносимое, и молите о земнем отечестве вашем, яко дерзновение ко Господу стяжали есте. Мы же с любовию припадаем к вам, предстателем нашим и заступником, и тепле взываем: сподобите нас продолжатели быти делания вашего, любовию божественною сердца верных воспламените, да доброе наследие оставим чадом церковным и Царства Небеснаго достигнем, идеже купно с вами прославим Отца и Сына и Святаго Духа, Троицу Единосущную во веки веков.

Просмотры(16)